TDTU

Mashinasozlik fakulteti 2017 yilda tashkil etilgan. Fakultet tashkil etilgan paytdan tasarrufida 6 ta kafedra mavjud bo’lib, ular: Xizmat ko’rsatish texnikasi, Yer usti transporti tizimlari, Mashinasozlik texnologiyasi, Energiya mashinasozlik va kasb ta’limi, Chizma geometriya va kompyuter grafikasi hamda Oliy matematika kafedralari. Xozirda fakultetda jami 101 nafar professor-o’qituvchilar, jumladan 9 nafar fan doktorlari, professorlar, 23 nafar fan nomzodlari va 69 nafar katta o’qituvchi va assistenlar faoliyat olib bormoqdalar. Ilmiy salohiyat 32%.Mashinasozlik fakulteti tashkil etilgan 2017 yildan texnika fanlari doktori Safarov Jasur Esirgapovich dekan sifatida faoliyat olib bormoqda.Hozirda fakultet tarkibida, 8 ta ta’lim yo’nalish: Kasb ta’limi, Avtomobilsozlik va traktorsozlik, Yer usti transporti tizimlari va ularning ekspluatatsiyasi, Energiya mashinasozligi, Mashinasozlik texnologiyasi, mashinasozlik ishlab chiqarishini jihozlash va avtomatlashtirish, Texnologik mashinalar va jihozlar, Xizmatlar sohasi, Xizmat ko’rsatish texnikasi va texnologiya bo’yicha bakalavrlar va 9 ta mutahasislik: Kasb ta’limi nazariyasi va metodikasi, Avtomobilsozlik va traktorsozlik, Yer usti transporti tizimlari va ularning ekspluatatsiyasi, Avtomobillar va avtomobil xo’jaligi, Ichki yonuv dvigatellarini sinash sinash va ulardan foydalanish, Mashinasozlik texnologiyasi va jihozlari, Mashinasozlikda texnologik jarayonlar va tizimlarni avtomatlashtirish, Metall kesish dastgohlari va uskunalari, Xizmatlar sohasi bo’yicha magistrlar tayyorlab kelinmoqda.Mashinasozlik fakultetida ilmiy-tadqiqot ishlar davlat grantlari va korxonalar bilan tuzilgan xo’jalik shartnomalar asosida olib boriladi. Fakultetda barcha doktorant, magistratura mutaxassisliklari hamda bakalavriat ta'lim yo’nalishlarida ta’lim olayotgan iqtidorli talabalar davlat grantlari va xo’jalik shartnomalari asosida bajariladigan ilmiy ishlarga jalb etilgan.Fakultetga qarashli 55-talabalar turar joyida talabalarning yashashi va dam olishlari uchun barcha shart-sharoitlar yaratib berilgan. Talabalar turar joyida muntazam ravishda ma'naviyat xonasi faoliyat ko’rsatadi. Talabalar turar joyi doimiy ravishda yangi gazeta va jurnallar bilan ta‘minlangan. Ma'naviyat xonasida turli davra suxbatlari, ma‘naviy-ma‘rifiy, madaniy dam olish tadbirlari, uchrashuvlar o’tkazilib boriladi. Fakultetimizda taniqli olimlar, fan arboblari, professorlar, kafedra mudirlari va dekanat xodimlari bilan davra suhbatlari o’tkazilib boriladi. Bundan tashqari talabalar turar joyida yashayotgan talabalar bilan IIB xodimlari va universitet rahbariyati bilan uchrashuvlar o’tkaziladi.

• «Xizmat ko’rsatish texnikasi» kafedrasi mudiri – PhD, dotsent Sultanova Shaxnoza Abduvaxitovna
• «Yer usti transporti tizimlari» kafedrasi mudiri – t.f.d., professor Abduazimov Anvar Daniyarovich
• «Mashinasozlik texnologiyasi» kafedrasi mudiri – katta o’qituvchi Abduraxmonov Xusniddin Zakirovich
• «Energiya mashinasozlik va kasb ta’limi» kafedrasi mudiri – dotsent Xakimov Jamshid Oktyamovich
• «Chizma geometriya va kompyuter grafikasi» – dotsent Sobirova Dildora Ubaydullayevna
• «Oliy matematika» kafedrasi mudiri – f-m.f.n. Pirmatov Shamshod Turg’unboyevich

• 5111000 Kasb ta’limi (tarmoqlar bo’yicha);
• 5310500 Avtomobilsozlik va traktorsozlik;
• 5310600 Yer usti transport tizimlari va ularning ekspluatasiyasi (transport turlari bo’yicha);
• 5312500 Energiya mashinasozligi (tarmoqlar bo’yicha);
• 5320200 Mashinasozlik texnologiyasi, mashinasozlik ishlab chiqarishini jixozlash va avtomatlashtirish;
• 5610101 Xizmatlar sohasi (avtomobil transporti);
• 5610600 Xizmat ko’rsatish texnikasi va texnologiyasi (Xizmat ko’rsatish tarmoqlari bo’yicha);