Abituriyentlarni onlayn ro‘yxatga olish muddati uzaytirildi

0
429
Want create site? Find Free WordPress Themes and plugins.

Davlat oliygohlariga o‘qishga kirish uchun onlayn ariza topshirish jarayoni 27 iyul kuni oxirigacha uzaytirildi. Chet tilidan kasbiy (ijodiy) imtihon o‘tkaziladigan bakalavriat yo‘nalishlariga 17 iyul so‘ngiga qadar onlayn hujjat topshirish mumkin.

Vazirlar Mahkamasining 13 iyuldagi 1-son bayoniga muvofiq, 2022/23 o‘quv yili qabulida abituriyentlarni onlayn ro‘yxatga olish muddatlari uzaytirildi.

Davlat test markazi xabariga ko‘ra, bu yil arizalar qabuli 27 iyulga qadar (shu kuni ham) davom etadi.

Chet tilidan kasbiy (ijodiy) imtihon o‘tkaziladigan bakalavriat ta’lim yo‘nalishlariga ro‘yxatga olish esa 17 iyulga qadar (shu kuni ham) amalga oshiriladi.

Mazkur muddat davomida abituriyentlar o‘z ma’lumotlarini o‘zgartirishlari hamda chet tilidan milliy yoki xalqaro sertifikatga ega bo‘ladigan bo‘lsa, sertifikat ma’lumotlarini tizimga kiritishlari mumkin.

Did you find apk for android? You can find new Free Android Games and apps.